 |
| شذى حجاج |
عِفي جوزك بالشكل الي هو عاوزه، لأن عِفه الزوج مش بالجنس فقط، الراجل عنده متطلبات واحتياجات تانيه، انتي مطلوب مِنك تعفي زوجك بحسابات زوجك مش بحساباتك انتي .
عِفي زوجك بالطاعه، عِفي زوجك بالمغازله لو بيحب كدة، عِفي زوجك بالنظافه لو بيحب كدة، عِفي زوجك بالأولاد، بالمنظر الحسن، بالفضفضه، بالحنيه، بالتقدير، بإنك تسمعيه وتهوني عليه الدنيا والضغوطات الي عليه، لو رومانسي خليكي رومانسيه، لو عملي خليكي عمليه، لو اجتماعي خليكي اجتماعيه، لو بيحب يلعب بلاي ستيشن العبي معاه .
 |
| شذى حجاج |
هتقوليلي ودوره هو ايه ؟ هقولك ليه دور والف دور كمان ، بس احنا في بلد بتفرم الرجاله، وبتخليه حامل الهم لحد ما يموت مش كلام والله دي حقيقه، وداير في ساقيه ليل ونهار مبيفصلش منها، ماتكونيش مفرمه معاهم .
دايما تلاقي واحده تشتكي من انها عامله لزوجها كل حاجه ومش عاجبه، لا هو مش عاجبه، هو حساباته غيرك ومش هيطمر فيه لانه مش عايز ده، الموضوع بسيط، هو اصلا مش عايز كل ده يكون علي حسابه، هو عايز يجي يلاقيكي صاحيه تحكي معاه شويه حتي لو قصرتي في الباقي هو عايز كده
غيره عايز يجي يلاقي العيال مصحصحين وقاعديله، غيره عايز يرجع يلاقي شموع وورود، غيره عايز يرجع يلاقكي علي سنجه عشره .. المهم هو عايز ايه مش انتي فاضيه لإيه، وهتتسألي عن ده ، عن عفه زوجك ، لانك انتي مسؤله عنها واعرفي انك لما بتعفي زوجك بتعفي مجتمع بحاله لان ساعتها جوزك مش هيبقي زي المسوخ اللي في الشارع دول ..
تاني بقولك : عفي زوجك بحساباته هو، لا حساباتك ولا حسابات اهلك .. ومتروحيش تشتكي لصحبتك لا صحبتك بتعف زوجها بحسابات زوجها واللي هي مختلفه عن حسابات زوجك فمش هتفيدك بحاجه، انتي كده عملتي اللي عليكي معاه وتمام، والنتيجه انك تلاقيه مايبصش بره، وحيبقي تحت طوعك .